Ku Euis Saniah
NIAT
pamarentah naekkeun
harga BBM dina
tanggal hiji November
masih jadi wacana. Sok sanajan, enya,
BBM can oge naek. Alesan rek dinaekkeunana BBM teh, cenah mah, gara – gara
duit subsidi keur BBM meh beuak. Naha enya naekkeun BBM jadi solusi?
Pikeun masayarakat mah, naekna BBM teh jadi masalah nu kacida dipikahariwangna. Alesanana
sederhana, lamun BBM naek harga sagala kabutuhan oge bakal naik. Balukarna, pastina bakal leuwih nyangsarakeun masyarakat
leutik. Bisa ditinggal, BBM acan naek oge, ari barang- barang di
pasar mah geus
aya anu naraek.
Nempo kaayaan kitu,
sajumlah organisasi masyarakat jeung
mahasiswa loba
nu daremo. Komo
di
Makassar
mah, cenah aya
mahasiswa demo bbm nu katembak
taktakna ku aparat,
nu nartibkeun
eta demo. Kajadian
kitu tinangtu mere
pandangan goreng ka nagara
urang. Nagara
urang teh apanan demokratis, tapi naha malah anarkis.
Tilu “Kartu Sakti”
Dina kaayaan baluweungna mikiran bbm, dina rieutna mikiran kurangna duit nagara,
ngadadak Presiden
Joko
Widodo
ngaluarkeun kartu,
nu cenah mah keur
ngurangan bangbaluh masarakat, boh dina atikan, kasehatan, kitu deui karaharjaan. Ieu kartu
teh aya tilu Kartu Indonesia Sehat (KIS), Kartu Indonesia Pintar (KIP), jeung Kartu Keluarga Sejahtera (KKS).
Ku lantaran ngadadak, loba nu nganggap goreng kana tindakan Jokowi. DPR oge teu apal eta tilu kartu teh bakal dikaluarkeun gura-giru. Loba nu nganaha-naha kana tindakan Jokowi, sabab cenah, eta tilu kartu teh can aya payung hukumna. Nu
dipikariwang teh, Jokowi meunang masalah, lantaran dianggap teu luyu
aturan hukum.
Tujuan Jokowi ngaluarkeun tilu kartu teh memang alus, pikeun ngurangan bangbaluh masarakat nu teu
mampuh.
Tapi kitu, beban
masarakat mah moal
kaubaran,
lamun wae BBM
teh jadi naek.
Nu dipikariwang deui, duit
tina tilu kartu
teh teu efektif
luyu jeung fungsina.
Pamarentah sakuduna neangan solusi nu
alus, nu teu ngarugikeun jeung nyangsarakeun masarakat. Naekkeun BBM lain solusi nu dipiharep ku masyarakat, sabab balukarna baris tumiba ka sakumna masyarakat. Komo nu ripuh, teu mampuh, jeung katalangsara mah.
Masarakat teh miharep, pamarentahan anyar teh bisa manggih
solusi nu teu ngarugikeun rahayat,
utamana nu teu marampuh. Lain sabalikna, malah nambah karipuh masarakat nu
hirup
di nagara, nu cenah mah, beunghar sumber
daya alamna. []
EUIS
SANIAH, Mahasiswa Jurnalistik
UIN Bandung