BANDUNG – Paling copel aya lima busana karya siswi Jurusan
Tata Busana Madrasah Aliyah Negeri (MAN) 1 Bandung nu dipintonkeun ka siswi-siswa
sejenna. Kagiatan nu digelar dina wujud “Fashion Show” teh nu dilaksanakeun Gedung
PSBB, Jumaah ( 05/12/2014).
Fashion
Show
ieu teh mangrupa kagiatan ujian ti para mahasiswa UPI nu keur ngalaksanakeun
PPl di MAN 1 Bandung. Ieu kagiatan teh, oge mangrupa acara nu maneuh saban
taun, nu diluluguan ku Program Studi Tata Busana.
Lian ti eta, oge mangrupa apresiasi
ka para siswa pikeun leuwih kamotivasi dina wirausaha atau neruskeun atikan ka paguron
luhur, hususna dina widang Tata Busana.
Ella, salah sahiji juri sakaligus
guru Tata Busana ngajentrekeun, karya nu dihasilkeun aya 5 jenis, nyaeta produk
rok, nyieun rupa-rupa saku, tata rias tudung, tur nyieun teknik hias jeung
quilting, tur teknik hias nyimpen benang.
Lian ti jurusan Tata Busana, eta kagiatan oge
ngalibetkeun para siswa jeung siswi ti jurusan Komputer, Bahasa jeung Mesin. Guru
nu kapeto jadi juri aya 5, jeung para mahasiswa UPI nu ngadadarkeun desain raksukan.
[] Hairunnisya | 1124050058 | UAS-Jurnalistik Sunda