BANDUNG -- Purwacaraka Musik
Studio (PCMS) School unjuk kabisa di Metro Endah Mall, Jalan Soekarno Hatta, Bandung, Minggu
(28/12). Ieu pagelaran teh lian ti minangka tarekah
nembongkeun kaparagilan para siswa, oge manrupa sarana promosi ka masarakat.
Pagelaran musik nu mangrupa acara rutin taunan ieu teh nyokot tema
“Cerdas Bersama Musik”. Barudak silih ujuk kamaheran ngamaenkeun pakakas musik,
dibarung ku mintonkeun paduan suara.
Ihya, salah sahiji peserta didik PCMS School nandeskeun, ieu acara teh
saleresna mah kasempetan pikeun mintonkeun pangabisa dina sual ngamusik ka masarakat.
“Sakolah musik, mangrupa wadah kanggo diajar
musik leuwih jero, oge tiasa langkung ngaronjatkeun kreatipitas dina maen musik,”
pokna.
Pagelaran teh dipintonkeun sangkan balarea tiasa langkung teurang kana
musik, tur parigel ngamaenkeunana. Ieu pagelaran
teh oge sakalian pikeun promosi PCMS School ka balarea.
Nona, salah saurang wanoja nu asalna saukur ngaliwat, basa nempo aya
pagelaran musik, reueus. “Ngahibur pisan. Minangka nu mikaresep kana musik,
abdi reueus ningalna. najan umurna masih barudak keneh, tapi maranehanana tos
tiasa ngamaenkeun musik sajago eta,” pokna teh.
Acara lumangsung rame. Nu datang ka mall antusias nyaksian barudak didik ti PCSM School ngamenkeun alat
musik. Pagelaran musik ditutup ku pintonsn paduan suara ti kelas vocal PCMS
School.
[] Faisal Azhari | UAS Jurnalistik
Sunda | 1124050048 | Jurnalistik UIN Bandung
