BANDUNG
– Musibah banjir nu luhurnya sabetis
tumiba deui di Kalurahan Pasanggrahan, Ujungberung, Bandung. Pasna mah di
hareupeun Pasar Swalayan Super Indo, Jumaah (05/12).
Banjir
di Ujungberung teh lain kajadian sakali-kalina, malah meh saban hujan badag, walungan
nu aya di sisieun Polsek Ujungberung mudal teu katampung. Caina leber, mudal ka
awak jalan. Ieu banjir memang teu kaasup banjir parah, teu siga genep bulan ka tukang.
Ti
samemeh asup wilayah Masjid Raya Ujungberung, kandaraan nu jebulna ti arah Cicaheum
kalawan tujuan Cileunyi, sawarehna mah dipengkolkeun ku polisi lalu lintas ka lebah
Panghegar. Tujuanana ngarah ngurangan kamacetan.
Tapi
kitu, kandaraan nu jebulna ti arah Cileunyi ka Cicaheumkeun kawilang loba
naker. Malah mah loba motor jeung mobil nu mogok, nu antukna nambahan macet. Kaendaraan
sejenna oge milu kahambat, hese rek maju.
Teu
hemeng mun macetna oge lumayan panjang. Ti mimiti Masjid Raya Ujungberung nepi ka
Bunderan Cibiru. Teu bisa hojah,, hese usik, hese malik.
Ceuk
Ujang, banjir di Ujungberung teh geus remen pisan. Salian ti kurangna lobana
jelema nu miceun runtah di sangeunahna, oge can aya penanggulangan nu jinek.
Pamarentah daerah can nyieun lengkah nyata pikeun ngabeberes walungan nu leber
di sisieun Polsek. Ieu teh nepi ka kiwari. []
Evrin Krisandri Putri | UAS-Jurnalistik Sunda |
Fidkom UIN Bandung
