“Lamun teu wae
diubaran, eta asam lambung nu naek bisa sumebar asup kana organ sejenna, saperti paru-paru.
Balukarna nimbulkeun asma,batuk, serak, jeung sinositis. Malah
nu kawilang patal mah bisa jadi pamicu
kangker,“ kitu
ceuk Dokter Ahli Gastroenterologi ti Fakultas Kedokteran Universitas
Indonesia, Ari Fahrial Syam, Juma’ah (16/5) di Jakarta, saperti nu dicutat
ku Harian Umum Kompas, sawatara waktu
ka tukang.
Ari
ngajentrekeun, gejala gangguan lambung gastroesophageal reflux
disease (GERD) teh
mindeng teu kanyahoan ku
nu miboga panyakitna. Ciri ieu
panyakit, lumrahna nimbulkeun panas jiga kaduruk dina tulang dada, parait, jeung haraseum dina baham. Balukar naekna asam lambung kana genggerong, antukna
dada oge jadi nyeri.
Naekna asam lambung kana genggerong bisa ngabalukarkeun radang (esofagitis) dina genggerong. Mun
hayoh wae diantep, baris ngabalukarkeun robahna lapisan sel esofagus. Lamun
henteu diubaran,
balukarna bisa nimbulkeun kangker genggerong.
Nu jadi
margalantaran, ceuk Ari , klep antara lambung jeung genggerong teu hirup normal.
Akibatna asam lambung anu kuduna aya dina lambung bisa naek kana genggerong, malah
bisa kana baham. Saumuran 20 – 40 taun kagolong riskan beunang ku ieu kasakit, boh
kusabab stres loba pagawean boh lantaran gaya hirup nu teu sehat, saperti kabiasaan ngarokok, nginum alkohol, jeung
kopi.
Kadaharan anu ngandung lemak, saperti coklat, keju, jeung daging bereum ngakibatkeun kosongna lambung nu
lila. Normalna mah
kadaharan teh ‘dicerna’ 6 jam. Salian ti
eta, kudu ngabiasakeun ulah langsung sare saeunggeus dahar, minimalna 2 jam. [] Imas Uswatun H | 1124050067 | Jurnalistik VB
Sumber Berita: Kompas
Sumber Ilustrasi: Cara Mengobati Asam Lambung
Sumber Berita: Kompas
Sumber Ilustrasi: Cara Mengobati Asam Lambung
:: Praktek
Mata Kuliah Jurnalistik Sunda |
Prodi Jurnalistik Fakultas Dakwah dan
Komunikasi |
UIN SGD Bandung |
|