Hal eta didadarkeunkeun ku Nuh basa nganjang ka Situs Gunung Padang di
Desa Karyamukti, Kecamatan Cempaka, Kabupaten Cianjur, Jawa Barat, Rebo (17/9),
dibarengann ku Wakil Mendikbud widang kabudayaan Wiendu Nuryati jeung Wakil Gupernur
Jawa Barat Deddy Mizwar.
Situs Gunung Padang, ceuk Nuh, bogan hak meunang bagean ‘bunga’ tina Dana Abadi Pendidikan, sabab kaasup
kana panalungtikan atawa riset keur ngadukung kabijakan nasional. Tapi, ari anggaran
keur konservasi jeung promosi mah moal dicokot ti dinya.
“Geus dialokasikeun Rp3 miliar keur Situs Gunung Padang. Salila bisa dibuktikeun sacara akademik, sabaraha
oge rek dibere, pikeun
kamajuan peradaban urang. Anggaran nu gede sabenerna keur konservasi jeung promosi. Sapanjang
panalungtikan saluyu tur ngadukung kabijakan nasional, tangtuna baris dibere
dana,” ceuk Nuh.
Teu Nanaon
Alokasi anggaran nu jumlahna Rp3 miliar eta, ceuk Nuh, digunakeun pikeun
ngabebaskeun lahan. Legana ieu kawasan cagar budaya teh ditetepkeun 29 hektar.
“Lamun geus jentre pisan mah, tangtuna oge teu kudu ditalungtik. Tapi, lamun
masih aya nu nimbulkeun rasa panasaran, panalungtikan
bisa dilaksanakeun. Mun geus ditalungtik tapi teu aya nanaon, nya teu kunanaon.
Nalungtik teh sarua jeung ijtihad,” pokna deuih.
Wakil Gubernur Jawa Barat Deddy Mizwar
nambahkeun, kudu aya gawe bareng antara pamarentah
pusat jeung daerah pikeun nungkulan kawasan cagar budaya. ” Teu meunang nepi ka kajadian,
ieu situs narik perhatian balarea, tapi masarakat di sabuderanana kamarjinalkeun,”
tandes Deddy.
Patali sareng hasil ngagali ieu situs, Wakil Ketua Tim Nasional Peneliti Gunung Padang Ali Akbar
netepkeun target, samemeh tanggal 20 Oktober 2014 geus aya bukti yen peradaban
nu kapendem dina jero taneuh memang aya. [] Lisnaningsih | 1124050080 | Jurnalistik 5 B
- Sumber Berita: ………….
- Sumber Potret: BandungOke.com
:: Praktek Mata Kuliah
Jurnalistik Sunda |
Prodi Jurnalistik Fakultas Dakwah dan
Komunikasi
UIN SGD Bandung
|
