Foto: Adit S Abdiyansah |
BANDUNG--Pasar minggon Manglayang nu tempatna di sapanjang Jalan Cipadung jadi lahan
neangan rejeki keur warga nu netep di sabudereunana. Pikeun warga nu aya di lingkungan
Manglayang, ieu teh kacida ngabantuna kana perekonomian, utamana pangabutuh
rumah tangga.
Ku nu daragang,
oge karasa berkahna. Jufri (40), salah sahiji contona, manehna ngarasakeun
berkahna. Aya untung beubeunang dagang teh, malah sakapeung mah sok nepi ka dua
kali lipet modal daganganna.
“Abi ngical di di
dieu tos 20 taun. Kauntunganana nepi ka dua kali lipat modal,” ceuk Jufri, nu netepna di Cikuda.
Masarakat sabudeureun
Manglayang mah ngarasa pisan mangpaatna ku ayana pasar minggon ieu teh. Contona
Neti (25), salah sahiji warga Cipadung. “Pasar manglayang kacida ngabantosna. Hargana
mirah pisan, sareng lengkap deuih,” pokna tandes naker.
Salian ti eta, masarakat oge lain saukur balanja kaperluan rumah tangga
wungkul. Tapi oge bisa bari nonton hiburan
nu aya di eta pasar. Kuda Renggong, salah sahijina hiburanana. Warga oge bisa
sarapan jajanan jeung kadaharan, di juru pasar.
“Abi kadieu teh ngadon jajan
jeung sarapan wungkul,” ceuk Rian (20), mahasiswa
UIN Bandung, nu harita di tepungan. [] Adit
Saputra Abdiyansah | 1124050005 | Jurnalistik VA UIN Bandung
:: Praktek Mata Kuliah Jurnalistik Sunda |
Prodi Jurnalistik Fakultas Dakwah dan Komunikasi |
UIN SGD Bandung |
|