Ku Dina Siti Mauludina
LOBA jelema, hususna kaum awewe nu stres pisan lamun
dina pameunteuna loba jarawat (jerawat). Malahan teu saeutik nu uubar ku rupa-rupa
ubar, ti mimiti ku jalan pangobatan tradisional nepi ka meja oprasi. Eta
tarekah teh sangkan beungeut atawa pameunteu teh geulis deui, taya hiji oge nu
ngaranna jarawat.
Pikeun ngaleungitkeun jarawat teh sabenerna teu
kudu sahese jeung samahal kitu. Cukup nyaho rupa kulit, jeung kudu rajin
sibeungeut tur ngajaga kadaharan nu asup kana awak.
Samemeh apal cara ngaleungitkeun jarawat urang
kudu apal heula naon atuh ari jarawat teh? Jarawat teh, nyaeta kaayaan dimana
pori-pori kulit kacocokan, nepi ka bijil kantong nanah nu ngaradang.
Nu jadi lantaran jarawat ngalobaan teh, diantaranana
lantaran produksi minyak nu leuwih, sel kulit nu paeh, bakteri, obat-obatan, HP,
nepi ka stres oge bisa jadi pamicu timbulna jarawat.
Teu kudu bingung neangan cara ngaleungitkeunana.
Cukup turutan cara dihandap ieu. Bersihkeun heula pameunteu make sabun, terus garingkeun.
Mun geus beres, pek kocok endog nu bobodasna nepi ka busaan. Balurkeun sing
rata. Saenggeus 15 menit, beresihan pameunteu nepi ka bersih. Lakukeun dua kali
saminggu.
Sok geura cobian, mugi-mugi
wae tips di luhur aya mangpaatna. Wilujeng nyobian!
Dina Siti Mauludina, Mahasiswa Jurnalistik UIN Bandung