BALEENDAH -- Fadlan Ramadhan alias
Rama, saumuran budak dua taunan nu samemehna diwartakeun leungit di wewengkon Kampung Cembulpojok,
Desa
Rancamanyar, Kacamatan Baleendah, Kabupaten
Bandung, ahirna
kapanggih geus tiwas.
Layonna
ngambang di walungan
Citarum,
di daerah Margaasih, Kabupaten
Bandung.
Ramana Fadlan, Dedi (23)
ngaku meunang kabar ti kapolisisan
poe Juma’ah
beurang. Dedi
tinangtu reuwas
pisan, lantaran
budakna nu leungit
ti poe Rebo
keneh (27/8/2014) teh ayeuna
katimu geus
maot.
“Abdi nembe tadi
beurang meunang kabar, yen
pun budak kapendak
di walungan, jeung tos dicandak
ka RSHS,”
saur Dedi,
Juma’ah
(29/8/2014). Kulawarga niat mastikeun yen eta teh Rama.
Asep, uwana korban ngajelaskeun, layon rama kapanggih geus ngambang di walungan Citarum di wewengkon Margaasih, Kabupaten Bandung. Patugas kepolisian ngaevakuasi
jeung mawa korban ka RSUD Soreang. Tapi lantaran harita teu aya nu wanoh, atuh RSUD mihapekeun ka eta layon ka RSHS Bandung. [] Irham Izzaturrahaman | 1124050071 | Jurnalistik VB
Sumber Berita: .......
:: Praktek
Mata Kuliah Jurnalistik Sunda |
Prodi Jurnalistik Fakultas Dakwah dan
Komunikasi |
UIN SGD Bandung |
|