Lapang parkir di Student Center (SC) jadi
tempat awal digelarna eta acara, terus
leumpang ngulilingan
kawasan kampus. Samemehna
nguliling heula
di gedong SC, ti lantey handap nepi ka lantey luhur.
Sumanget Sumpah Pemuda ngahaja digedurkeun deui. Sapanjang
jalan, para mahasiswa nganyanyikeun
lagu “Bangun Pemudi Pemuda” bari nyekel karton gede nu ditulisan ku eusi Sumpah Pemuda.
Karton gede sejenna ditulisan ku eusi Deklarasi Sumpah Pemuda.
Mahasiswa
nu mariluan aksi oge remen eureun di hareupeun gedong nu diliwatanana, bari ngomandoan mahasiswa sejen sangkan milu macakeun
eusi
Sumpah Pemuda. Malah deui ngajak mahasiswa sejenna milu
asup kana barisan.
Mahasiswa nu milu
ancrub dina eta kagiatan, Dede
Lukman (20) ngajentrekeun, “kaguiatan
ieu teh lain aksi demo, tapi pikeun ngagedurkeun deui sumanget Sumpah Pemuda.
Miharep pola pikir, akhlak, jeung paripolah para pamuda kiwari bisa robah kana
tingkatan nu leuwih hade. Ieu kagiatan oge dipiharep bisa ngingetkeun deui para pemuda kiwari kana perjoangan
pamuda baheula. Pamuda
kiwari kudu leuwih sadar, jeung ngaronjatkeun
deui jiwa nasionalisme.”
Sabada nepi di hareupeun Gedong Rektorat, maranehna
ngabaris bari ngacungkeun leungeun katuhu nu dikeupeulkeun.
Tuluy nyanyi deui lagu “Bangun Pemudi Pemuda”, disambung ku macakeun
deui eusi Sumpah
Pemuda.
Dina pamungkasna, maranehna oge nepikeun aspirasi jeung harepan. [] Laras Awaliatul Maulidi | Jurnalistik | UIN SGD Bandung
:: Praktek Mata Kuliah Jurnalistik Sunda
|
Prodi Jurnalistik
Fakultas Dakwah dan Komunikasi |
UIN SGD Bandung |
|
